Лоши вести за Реал Мадрид. Едуардо Камавинга сигурно ќе го пропушти финалето на Купот на Кралот против Барселона, а според шпанските медиуми, сезоната за него е веќе завршена. Официјално е потврдено дека Французинот има целосно кинење на тетивата на левиот адуктор, што значи дека нема да може да настапи ниту на Светското клупско првенство.
Камавинга влезе во второто полувреме против Хетафе, заменувајќи го повредениот Давид Алаба. Но, пред крајот на натпреварот почувствува болка и не можеше да продолжи, оставајќи го тимот со играч помалку, бидејќи Анчелоти веќе ги искористи сите измени.
Сè уште нема детали за сериозноста на повредата на Алаба, но ситуацијата не изгледа добро за „кралевите“ пред најважниот дел од сезоната, со оглед дека следува финале со Барселона, како и финиш на сезоната во Ла Лига.
