Дефанзивецот на Милан, Кајл Вокер, вчера бил опериран, објави клубот. Англискиот репрезентативец се повредил за време на тренинг, а лекарските прегледи покажале дека е потребна хируршка интервенција.
Вокер добил фрактура на лактот на десната рака. За да се оптимизира неговото закрепнување, лекарскиот тим решил да се изврши операција. Таа поминала успешно, и 35-годишниот фудбалер веднаш ќе започне со рехабилитација.
Сè уште не е прецизирано кога Вокер ќе се врати на терените, но се шпекулира дека ќе паузира најмалку четири недели.
Вокер пристигна во редовите на „росонерите“ на позајмица од Манчестер Сити и се очекува да остане во италијанскиот гигант и следната сезона. Досега има настапи на вкупно 14 натпревари во сите натпреварувања и брзо се наметна како клучен играч во тимот на Сержо Консеисао.
