Јувентус е подготвен да засили средниот ред во јануарскиот трансфер прозорец, откако раководството на клубот сфатило дека постои разлика во квалитетот на оваа линија во споредба со директните конкуренти во Италија. Според информациите на „Тутоспорт“, „бјанконерите“ повторно го насочиле вниманието кон поранешниот играч на Лацио, Сергеј Милинковиќ-Савиќ.
Директорот на Јуве, Дамиен Комоли, е решен да потпише нов централен играч во средниот ред, а ѕвездата на Ал-Хилал, Милинковиќ-Савиќ, е меѓу главните цели.
Јувентус бараше нов креативен играч и во летниот трансфер прозорец, но на крајот главно ангажираше напаѓачи, Џонатан Дејвид, Лоис Опенда и Едон Жегрова, како и десен бек, Жоао Марио.
