Јувентус покажува интерес за Расмус Хојлунд, објавува „Тутоспорт“. Раководството на торинскиот клуб веќе стапило во прелиминарен контакт со окружувањето на данскиот напаѓач за да дознае какви се неговите планови.
„Бјанконерите“ размислуваат за опција за позајмица со право на откуп.
22-годишниот Хојлунд одлично ја познава Серија А, бидејќи играше за Аталанта пред да се пресели во Манчестер Јунајтед. На „Олд Трафорд“ се полагаа големи надежи во него, но оваа сезона постигна само три гола на 26 натпревари во Премиер – лигата.
