Јувентус рутински ја доби Болоња (ВИДЕО)

Италијанскиот првак Јувентус се врати во победнички ритам и по поразот од Интер успеа рутински да ја совлада Болоња на домашен терен со 2-0. Артур брзо ја проби одбраната на гостите и постигна гол за водство во 15.минута. 

Скорупски имаше неколку фантастични одбрани, но не можеше да стори ништо при шутот на Вестон Мекени во 71.минута. „Старата дама“ со 36 бода се наоѓа на четвртата позиција со седум бода негатива во однос на лидерот Милан.