Антонио Рудигер, централниот дефанзивец кој за два месеци ќе наполни 33 години, би можел да ја следи судбината на други играчи на Реал Мадрид, како Серхио Рамос, Лукас Васкез и Начо. Со договор што важи до 30 јуни 2026 година, Германецот сѐ уште не бил повикан на разговори за продолжување на соработката, па не е исклучено летово да го напушти „Сантијаго Бернабеу“.
Тоа веќе го привлече вниманието на сериозни европски клубови, а прв во редот е италијанскиот гигант Јувентус.
Во својата четврта сезона во Реал Мадрид, Антонио Ридигер освои осум трофеи со „кралскиот клуб“, меѓу кои титулата во Ла Лига и трофејот во Лигата на шампионите (има уште еден трофеј освоен со Челси). Репрезентативецот на Германија со 81 настап и три гола, на 1 јануари влегува во последните шест месеци од договорот потпишан летото 2022 година, кога пристигна како слободен играч од Челси.
Шпанските медиуми пишуваат дека германскиот стопер, кој на 3 март ќе наполни 33 години, сè уште не добил повик на преговори од претседателот Флорентино Перез за продолжување на договорот, ситуација која важи и за Дани Карвахал, кој на 11 јануари полни 34 години.
