Раководството на Јувентус ќе направи последен обид да постигне договор со напаѓачот Душан Влаховиќ околу продолжување на неговиот договор, кој истекува наскоро, пренесуваат италијанските медиуми.
Тоа треба да се случи на последната средба меѓу двете страни, која е закажана во следните неколку дена. Сепак, според информациите, нема голем оптимизам дека ќе биде постигнат договор за продолжување на соработката. Така, најверојатно Влаховиќ ќе го напушти торинскиот гигант по четири и пол години минати во клубот, период во кој одигра 168 натпревари, постигна 68 голови и забележа 16 асистенции, освојувајќи и еден трофеј во Купот на Италија.
Во однос на преговорите со Пари Сен Жермен за ангажман на друг напаѓач, Рандал Коло Муани, се наведува дека за реализација на трансферот ќе биде потребна висока отштета. Токму поради тоа, во овој момент сè уште нема договор меѓу двата клуба и преговорите продолжуваат.
