Италијанскиот првак Јувентус ја совлада Рома со 2-0 во дербито на колото и ја прескокна на табелата. Сега „старата дама“ е на третата позиција со 42 бода, пет помалку од Интер, но има и еден одигран натпревар помалку.
Кристијано Роналдо го отвори резултатот на дербито со голот во 13.минута. Во вториот дел, Ибањез си постигна автогол во 69.минута од мечот и „волчицата“ мораше да се помири со пораз.
Тренерот Пауло Фонсека се обиде и со Един Џеко, кој влезе во игра во второто полувреме , но немаше одговор од римскиот тим.
