Напаѓачот на Атлетико Мадрид, Александер Сорлот, го привлече интересот на Јувентус од Торино, пренесува „Football Espana“.
Торинскиот гигант го разгледува Сорлот како потенцијална замена за Душан Влаховиќ, чиј договор со Јувентус важи до летото 2026 година. Италијанците се подготвени да му понудат место во стартниот состав. Атлетико Мадрид за играчот бара 32 милиони евра.
Претходно беше објавено дека интерес за напаѓачот покажале и Ливерпул, Фенербахче и Галатасарај. Актуелниот договор на Сорлот со мадридскиот клуб истекува на 30 јуни 2028 година.
Оваа сезона Норвежанецот има одиграно 22 натпревари за Атлетико во сите натпреварувања, постигнувајќи пет голови и запишувајќи една асистенција.
