Од Јувентус официјално го потврдија постојаниот трансфер на крилниот напаѓач Жереми Бога од Ница.
Клубот соопшти дека платил 4,8 милиони евра, како и дополнителни 800.000 евра, за да го задржи офанзивецот со договор до летото 2029 година.
Бога пристигна во торинскиот гигант на самиот крај од зимскиот преоден рок и остави солиден впечаток со четири гола и една асистенција на 17 натпревари за „старата дама“ во сите натпреварувања.
Во периодот поминат во Ница, која пред три години плати 17,5 милиони евра на Аталанта за неговиот ангажман, поранешниот младинец на Челси одигра 73 натпревари, постигна 11 голови и запиша девет асистенции.
