Јувентус успеа да го задржи Франциско Консеисао во својот состав, откако конечно постигна целосен договор со Порто за неговиот трансфер.
Минатото лето, Јувентус го донесе Консеисао на позајмица за 10 милиони евра, со можност за откуп на договорот за 30 милиони евра. Иако клубот од Торино изрази подготвеност да ја плати оваа сума, се воделе долготрајни разговори околу начинот на плаќање. По интензивни преговори, Порто прифатил понудата сумата да се исплати во четири рати, со што е отворен патот за негово останување во клубот.
Консеисао стана незаменлив дел од тимот по доаѓањето на тренерот Игор Тудор, кој беше клучниот фактор во одлуката на раководството да го задржи португалскиот фудбалер.
