Барселона наводно разгледува неочекувана опција за засилување во нападот, а во фокусот се најде поранешниот напаѓач на Ливерпул, Дарвин Нуњез.
Според шпанските медиуми, каталонскиот клуб го гледа Нуњез како алтернатива доколку не успее да го реализира посакуваниот трансфер на Хулијан Алварез од Атлетико Мадрид.
Нуњез, кој во моментов настапува во Саудиска Арабија, би можел да биде поекономична и полесно достапна опција за Барселона, доколку преговорите за Алварез се покажат како премногу компликувани или скапи.
Каталонскиот гигант е во потрага по нов централен напаѓач по заминувањето на Роберт Левандовски, кој долги години беше главна фигура во офанзивата на тимот.
Одлуката за новото засилување во нападот се очекува да биде една од клучните теми за Барселона во претстојниот летен преоден рок.
