Баерн Минхен загуби од Вилјареал со 1-0 во првиот четвртфинален натпревар од Лигата на шампионите. Стрелец на единствениот гол на натпреварот беше Арнаут Данџума во осмата минута, а „жолтата подморница“ лесно можеше да слави со поголема разлика на овој меч бидејќи пропушти навистина огромен број на шанси.
Во 62 минути игра, Жерар Морено можеше да постигне спектакуларен гол и да го казни излезтот на Мануел Нојер речиси на половина терен.
Германскиот голман му ја додаде топката на напаѓачот на домашниот тим и беше далеку од својот гол. Но, за среќа на Нојер и Баерн, Морено не успеа да постигне гол.
Неговиот обид од половина терен заврши веднаш кај голот и резултатот остана 1-0.
