Фудбалската репрезентација на Италија остана без десниот бек на Наполи, Џовани ди Лоренцо, кој поради повреда нема да може да се јави на повикот на селекторот Роберто Манчини за баражот против Македонија. Тој го повреди десното колено на дуелот против Удинезе (2-1) во Серија А.
Ди Лоренцо се очекуваше да биде стартер за „аѕурите“ на пресметката на „Ренцо Барбера“ в четврток во Палермо, а сега Роберто Манчини ќе мора да бара ново решение. Засега, тој нема да повикува нов фудбалер на местото на Ди Лоренцо.
