Во Њукасл тлее нова драма. Менаџерот Еди Хау е решен – ако Александер Исак не стави крај на неизвесноста околу својата иднина, подготвен е да го тргне од првиот тим и да го испрати меѓу резервите.
Сценариото не е ново за Хау. Во март 2023 година, Рајан Фрејзер беше изолиран од првиот тим, бидејќи не ги исполнувал барањата на стратегот. Наместо да тренира со останатите, Шкотланѓанецот заврши со младинците до 21 година – и никогаш повеќе не заигра за клубот.
Сега, на ред е Исак. Шведскиот напаѓач, еден од најважните играчи на „Сент Џејмс Парк“, одбива да се појавува на тренинзите и отворено бара трансфер во редовите на актуелниот шампион Ливерпул. Еди Хау, пак, останува непоколеблив во ставот дека ниту еден фудбалер не е поголем од тимот.
