Десниот бек на Интер, Дензел Дамфрис, ќе мора да паузира подолг период.
Како што беше откриено, лошите прогнози се остварија – Холанѓанецот ќе отсуствува најмалку три месеци и на терените ќе се врати дури во втората половина на март.
Ова секако е лоша вест за Кристијан Киву, кој заедно со Бепе Марота ќе мора да ги истражи опциите на трансфер-пазарот. Италијанските медиуми се сигурни дека Интер ќе биде активен во зимскиот преоден рок, бидејќи екипата мора да биде конкурентна во борбата за сите трофеи.
Интер конечно се искачи на врвот на табелата во Серија А, а за да успее да го врати пехарот на „Џузепе Меаца“, се очекуваат засилувања.
