Американскиот инвестициски фонд „Oaktree“ е новиот сопственик на Интер, соопштија од фондот. „Oaktree“ го презема Интер откако претходниот сопственик „Сунинг“ не го отплати заемот од 380 милиони евра земен во 2021 година.
„Оуктри има голема почит кон историјата на Интер, страста на играчите и посветеноста на навивачите. Имаме намера тесно да соработуваме со сегашниот менаџерски тим на Интер, партнерите и лигата за да обезбедиме успех на клубот и дома и во Европа“, се вели во соопштението.
Се очекува да нема поголеми промени во политиката на клубот во наредната сезона, и покрај промената на сопствеништвото на новиот италијански првак.
