Македонскиот репрезентативец Имран Фетаи го прави првиот интернационален чекор во кариерата. Централниот дефанзивец ја напушта Шкендија и ја продолжува кариерата во романскиот гигант Динамо Букурешт.
Според пишувањата на романските медиуми, сите детали околу договорот се веќе договорени, а официјалната промоција се очекува во следните неколку денови.
Фетаи е првото од четирите планирани засилувања за Динамо Букурешт во овој преоден рок.
За Шкендија, 23-годишниот дефанзивец запиша 44 настапи, постигнувајќи два гола и две асистенции. Во својата досегашна кариера ги бранеше и боите на Тиквеш и Беса 1976.
