Милан се врати на врвот во Серија А по доминантното издание против Кротоне на „Сан Сиро“. Тимот на Стефано Пиоли славеше до 4-0, а по два гола поделија Златан Ибрахимовиќ и Анте Ребиќ. Швеѓанецот дојде и до големо остварување – 500 гола во кариерата. Две асистенции во вториот дел подели Хакан Чалханоглу кој се враќа во тимот на „росонерите“.
Илија Несторовски го одигра второто полувреме во составот на Удинезе кој оствари важна победа (2-0) на домашен терен против Верона. Гостинскиот голман слабо реагираше во 83.минута за водство на Удинезе, а триумфот го потврди Жерар Делофеу.
