И Струга ТЛ ги отвори подготовките со триумф

Македонскиот прволигаш Струга Трим Лум славеше убедлив триумф (0-3) против албанскиот тим Малик. Тимот на Бледи Шкемби доминираше во најголемиот тек од натпреварот и заслужено стигна до победата.

Головите за стружани ги постигнаа Христијан Малески, Флориан Рочи и Марјан Радески.

Струга ТЛ на 17 јануари заминува за Анталија каде што ќе одработи главниот дел од подготовките и ќе одигра четири пријателски натпревари.