Само неколку часа откако Велс јавно ја повлече поддршката за Џани Инфантино, истото го направи и Србија, која отворено се изјасни против актуелниот претседател на ФИФА.
Се очекуваше одлуката на Велс да предизвика домино-ефект и да охрабри и други национални федерации јавно да се спротивстават на реизборот на Инфантино. Токму тоа сега почнува да се случува.
Србија е меѓу првите земји што официјално соопшти дека повеќе нема да го поддржи Инфантино, со што дополнително се засилува притисокот врз актуелниот прв човек на светскиот фудбал.
