Во недела, на Градскиот стадион во Кавадарци, во 26. коло од Првата фудбалска лига, Тиквеш ќе го пречека лидерот Шкендија. Се очекува полн стадион и масовна поддршка за тимот на тренерот Ѓорѓи Мојсов.
Дополнително, клубот Тиквеш и навивачката група Лозари уште еднаш ќе организираат хуманитарна акција.
Во заедничка акција на клубот и фановите, сите приходи од продадените билети за неделниот натпревар ќе бидат донирани во хуманитарни цели — за помош на малата Бела Кузев од Кавадарци, на која ѝ е потребно лекување.
