Холандија имаше одличен тест вечерва против Канада на „Де Кујп“ во Ротердам.
Селекцијата на Роналд Куман победи со 4-0 и покажа дека е во добра форма пред почетокот на ЕВРО 2024.
Мемфис Депај во 50.минута ја доведе Холандија во водство на асистенција на Фримпонг, а потоа фудбалерот на Баер Леверкузен го постигна својот прв гол во дресот на „лалињата“.
Ваут Вегорст во 63.минута го постигна третиот гол за Холанѓаните, само неколку моменти откако влезе во игра, а за крај погоди и Вирџил ван Дајк во 83.минута од мечот.
