Наполи сѐ уште е жив во трката за титулата откако славеше против Џенова на гости со 2-3. Расмус Хојлунд од пенал донесе триумф за гостите во 95.минута од дуелот.
Данецот Хојлунд беше стрелец и на првиот гол за Наполи, а Скот Мектоминеј донесе пресврт, откако Џенова поведе уште во третата минута со голот од пенал на Малиновски.
Коломбо во 57.минута повторно израмни, по големата грешка на Бонџорно, а на крајот сепак славеше Наполи.
Елиф Елмас го одигра целиот натпревар, а шампионот играше со фудбалер помалку од 76.минута поради исклучувањето на Хуан Џесус.
