Хари Кејн е вистинска гол-машина. Овој викенд, тој постигна нов гол во победата на Баерн Минхен над Хајденхајм со 0-4 на гости.
Со тоа, Англичанецот достигна бројка од 100 поени (голови и асистенции) во Бундес-лигата, и тоа само по 78 натпревари. Досегашниот рекордер во дресот на Баерн беше легендарниот Арјен Робен, кому му беа потребни 118 натпревари за да стигне до истата бројка.
Од доаѓањето во Баерн, Кејн постигна 80 голови и имаше уште 20 асистенции во Бундес-лигата, а никому досега не му успеало да го постигне тоа толку брзо.
Ако се гледа календарската 2025 година, Кејн постигна дури 60 голови за клубот и репрезентацијата, што само потврдува дека и понатаму е еден од најдобрите напаѓачи во светот.
