Во дербито на четвртфиналето од Купот на Турција, Галатасарај го совлада Фенербахче на Жозе Мурињо со 1-2 и обезбеди место во полуфиналето.
Херој на мечот беше Виктор Осимен, кој го отвори резултатот во десеттата минута, а во 27. минута од пенал зголеми на 0-2. Шимански во финишот на првото полувреме намали на 1-2, но и покрај иницијативата во вториот дел, Фенербахче не успеа да избегне елиминација.
Средбата не помина без контроверзи – погодокот на Фенербахче беше сомнителен поради можен офсајд, а Мурињо и неговите играчи имаа големи поплаки за недосуден пенал во 16. минута, кога фудбалер на Галатасарај играше со рака.
На крајот, мечот заврши со хаос. Жозе Мурињо влезе во физичка пресметка со тренерот на Галатасарај, Окан Бурук, кој заврши на земја. Инцидентот резултираше со три црвени картони, а Мурињо сега се соочува со подолга суспензија.
