Фудбалерите од младата репрезентација на Македонија до 21 година кои пред два дена имаа позитивен тест на коронавирусот поради што беа изолирани од селекцијата, денеска на повторено тестирање се негативни.
„Сите фудбалери кои пред два дена имаа позитивен тест на Ковид-19 денеска на повторените тестирања се негативни. Можна е една грешка, ама како е можно сите да се негативни ако само пред два дена биле позитивни“, велат од ФФМ.
Младите селекции на Македонија и на Црна Гора ќе играат во вторник, од 13.30 часот на СЦ „Петар Милошевски“ во Скопје.
