УЕФА изрече низа казни за Барселона поради инциденти за време на реваншот со Интер во полуфиналето од минатогодишното издание на Лигата на шампионите, пренесува „Марка“.
Фудбалерите Ламин Јамал и Роберт Левандовски добија глоби од по 5.000 евра затоа што не се појавиле веднаш по завршувањето на натпреварот на местото предвидено за антидопинг контрола.
Потешки санкции добија тренерот Ханси Флик и неговиот помошник Маркус Зорг – тие се суспендирани на еден натпревар и казнети со по 20.000 евра поради непристојно однесување за време на средбата на „Џузепе Меаца“.
Клубот, пак, ќе плати уште две казни: 5.250 евра поради фрлање предмети од страна на гостинските навивачи и дополнителни 2.500 евра за користење пиротехника.
