Барселона оствари значаен триумф против Леганес (0-1) и побегна на седум бода предност пред Реал Мадрид и десет во однос на Атлетико, иако мадридските тимови имаат и еден одигран меч помалку.
Каталонскиот тим не покажа завидна ефикасност, но Ханси Флик е задоволен затоа што тимот ја оствари целта и ги освои бодовите.
“Ова е многу важен триумф за нас. Значајно беше да освоиме три бода и да продолжиме да чекориме напред. Горд сум на мојот тим, затоа што не е лесно да се одржи формата во текот на целата сезона”, изјави тренерот на Барселона, Ханси Флик.
