Ерлинг Халанд, напаѓачот на Манчестер Сити, наводно размислува да го напушти клубот, според информациите на шпанскиот медиум „Ел Насионал“.
Иако има договор со клубот до 2034 година, 24-годишниот Норвежанец е разочаран од последните резултати на тимот, што може да го натера да побара нов предизвик. Манчестер Сити би можел да се соочи со сериозни проблеми во обидите да го задржи Халанд ако тој реши да ја смени средината.
Пари Сен Жермен и Баерн Минхен се спремни да му достават понуди на напаѓачот, кој, и покрај долгогодишниот договор, би можел да побара нов клуб.
Повредата на скочниот зглоб што Халанд ја задоби во четвртфиналниот меч од ФА Купот против Борнмут (2-1) го остави настрана за период од пет до седум недели, според менаџерот Пеп Гвардиола.
Оваа сезона, Халанд има 40 настапи за Манчестер Сити, со 30 постигнати голови и четири асистенции.
