Ашраф Хакими во наредните 24 часа и официјално ќе стане нов член на Пари Сен Жермен, а Интер веќе работи на неговата замена. Според италијанските медиуми, Интер смета дека Хектор Белерин би било вистинското решение за десната странична позиција.
Белерин беше блиску да го напушти Арсенал и минатото лето, сега трансферот е уште поизвесен, а неговата цена ќе биде околу 20 милиони евра.
Белерин може да игра во формација 3-5-2, да ја покрие целата десна страна и затоа Симоне Инзаги ја поддржа оваа идеја.
Интер ќе се снајде одлично затоа што ќе заработи 60 милиони евра веднаш од продажбата на Хакими и уште 10 милиони евра преку лесно остварливи бонуси. Интер досега го донесе Хакан Чалханоглу од Милан ова лето, како слободен агент.
