Искусниот македонски фудбалски стратег, Ѓоко Хаџиевски, не чекаше долго за нов предизвик. Само неколку дена по разделбата со бугарскиот Спартак Варна, тој синоќа слета во Обединетите Арапски Емирати, каде што официјално ја започнува својата нова авантура на клупата на Ал Мединах Вондерерс.
Иако станува збор за клуб од пониските рангови во Дубаи, амбициите на раководството се јасни – со искуството и авторитетот на Хаџиевски да се направи сериозен резултатски скок напред.
За Хаџиевски, Блискиот Исток е практично „домашен терен“. Во својата богата кариера, тој веќе остави длабока трага во арапскиот фудбал.
