Поранешниот македонски селектор Ѓоко Хаџиевски по само три месеци си замина од кормилото на Хата од Обединетите Арапски Емирати. Иако тимот пред два дена оствари триумф, сепак, дојде до разделба меѓу Хаџиевски и Хата.
„Клупскиот менаџмент му благодари на Хаџиевски за периодот во кој го предводеше првиот тим на Хата“, објавија од клубот.
Хаџиевски подолг период работи на далечниот Исток, се уште е најтрофејниот тренер во историјата на Вардар, а работеше и во Пелистер, Силекс, Беласица, ЦСКА Софија, Џубило Ивата, Наџран, Ал-Тавон, и други…
