Пеп Гвардиола беше насмеан пред контролниот натпревар на Манчестер Сити против Палермо. Менаџерот на Манчестер Сити, Пеп Гвардиола, сподели дека се чувствува чудно гледајќи го Кевин Де Бруин во дресот на Наполи.
Белгискиот плејмејкер, кој се етаблираше како еден од најдобрите фудбалери во светот во последната деценија под водство на Гвардиола, го напушти Манчестер Сити ова лето како слободен играч и потпиша со Наполи на Антонио Конте.
Трансферот беше една од најдискутираните теми на почетокот од преодниот рок и отвори дебата за тоа како Де Бруин ќе се адаптира на барањата на Конте.
„Малку чудно е да го гледам како тренира со Наполи“, призна Гвардиола.
„Но јас и целото семејство на Сити многу се интересираме за Кевин и сме оптимисти дека ќе направи добри работи во Италија и ќе научи нови нешта од врвен тренер како Конте — еден од најдобрите на сите времиња. Се надевам дека тој, неговата сопруга и целото семејство ќе се чувствуваат како дома во Италија“, истакна менаџерот на Сити.
