Англискиот репрезентативец Џек Грилиш би можел да го напушти Манчестер Сити ова лето, а за неговиот потпис сериозен интерес покажуваат три клуба од Премиер – лигата, Тотенхем, Астон Вила и Њукасл.
Сите три клуба се подготвени да влезат во жестока битка за креативниот офанзивец. Враќањето во Астон Вила, клубот во кој Грилиш израсна и се етаблираше како ѕвезда, претставува емоционално привлечна опција. Од друга страна, Њукасл би можел да понуди учество во Лигата на шампионите, што е силен аргумент во нивна корист. Тотенхем, пак, е во потрага по играч со профил сличен на Грилиш кој може да ја подигне креативноста на тимот.
Грилиш, откако се пресели на „Етихад“ во рекорден трансфер, не успеа целосно да се наметне во тимот на Пеп Гвардиола. Во тековната сезона започна само седум натпревари како стартер во Премиер – лигата, што отвори сериозни прашања за неговата иднина во Сити.
Главна пречка за евентуален трансфер е високата плата на играчот, како и неговиот договор што важи до летото 2027 година. Сепак, според информациите, Манчестер Сити е подготвен да разгледа понуди со соодветна понуда за 28-годишниот офанзивец.
