Гранит Џака го напушта Баер Леверкузен и кариерата ја продолжува во Сандерленд.
Според информациите, швајцарскиот репрезентативец ќе потпише договор до летото 2027 година, а германскиот клуб ќе инкасира 20 милиони евра обештетување.
Џака веќе добил дозвола да отпатува на северот на Англија, каде ќе ги заврши задолжителните медицински прегледи и ќе стави потпис на договорот.
Тој веќе има богато искуство во Премиер лигата, настапуваше за Арсенал, каде ја носеше и капитенската лента, пред да се пресели во Баер Леверкузен пред две години.
Нема сомнеж дека Џака може да биде едно од клучните засилувања за Сандерленд во борбата за опстанок во Премиер – лигата.
