Манчестер Сити веќе започнал преговори со Лил за трансфер на Ајуб Буади, пренесуваат британските медиуми. Младиот играч за врска веќе ја изразил својата желба да се пресели на „Етихад“ и да го облече дресот на „граѓаните“.
Разговорите меѓу двата клуба сè уште се во неофицијална фаза, а англискиот гигант ги разгледува различните можности и условите за евентуална реализација на трансферот. Според некои извори, Лил за својот фудбалер поставил цена од околу 80 милиони евра.
Во Манчестер Сити биле дополнително поттикнати да реагираат по последните информации за сериозниот интерес на Реал Мадрид за Родри и желбата на шпанскиот репрезентативец повторно да се врати во престолнината.
Ајуб Буади минатата сезона одигра 42 натпревари и остави одличен впечаток во улогата на дефанзивен играч за врска, иако има само 18 години. Тој беше дел и од репрезентацијата на Мароко на Светското првенство, каде што стартуваше на пет натпревари и го истисна од составот искусниот Софијан Амрабат.
Во Манчестер Сити се обидуваат да направат освежување на тимот по заминувањето на Пеп Гвардиола и важен фудбалер како Бернардо Силва. „Граѓаните“ веќе потрошија 135 милиони евра за трансферот на Елиот Андерсон, а Буади е следното големо име на нивната листа.
