„Граѓаните“ го елиминираа Саутемптон во ФА купот

Манчестер Сити обезбеди пласман во ФА купот на Англија откако на гости славеше против Саутемптон со 1-4. „Граѓаните“ покажаа доминација, посебно во второто полувреме и заслужено се пласираа во следната рунда од најмасовното натпреварување на Островот.

Стерлинг го доведе Сити во водство, но Саутемптон израмни непосредно пред одморот и тоа со автоголот на Лапорт.

Кевин де Бруин погоди од пенал за ново водство на Манчестер Сити во 62.минута, а до крајот на мечот стрелаа и Фил Фоден и Ријад Махрез.