Порто како божиќен подарок за своите навивачи го објави продолжувањето на договорот со Диого Кошта до 2030 година. По долги месеци преговори, португалскиот репрезентативец прифати да остане на „Драгао“ и го продолжи својот договор за уште три сезони.
26-годишниот голман ќе добие зголемување на платата и ќе стане најплатениот фудбалер во тимот.
Раководството, предводено од Андре Вилјаш-Боаш, отсекогаш инсистираше Диого Кошта да остане во клубот во кој порасна. За челниците на „змејовите“ беше важно договорот да се финализира пред Светското првенство, со што ќе се спречат можните шпекулации околу иднината на чуварот на мрежата во јануари.
