Кризата на Манчестер Јунајтед продолжува. По слабите настапи во Премиер – лигата, „црвените ѓаволи“ доживеаја нов удар – елиминација уште во првото коло на Лига Купот, и тоа од четвртолигашот Гримзби.
Домаќинот поведе со 2-0 преку Верман и Варен, но Јунајтед во вториот дел се врати преку Мбeумо и Мегваер за 2-2. Сепак, пенал-рулетот им донесе историска радост на аматерите. Куња ја промаши шансата да го реши мечот во петтата серија, а трагичар на крај беше Мбeумо кој во 13. серија ја погоди пречката.
Додека Јунајтед испадна и се посрамоти, другите премиерлигаши без проблеми си ја завршија работата. Евертон славеше 2-0 над Мансфилд со голови на Бето и Алкараз, идентичен резултат запиша и Фулам против Бристол Сити.
Најубедлив беше Брајтон кој на гостувањето кај Оксфорд славеше со неверојатни 0-6. Головите ги постигнаа Бочеги, Груда, Гомез, Цимас (2) и Вотсон.
