Поранешниот македонски селектор Ѓоко Хаџиевски ќе го преземе кормилото на бугарскиот тим Спартак Варна, откриваат медиумите на нашиот сосед. Искусниот стратег ќе го преземе тимот од Николај Киров, кој неодамна се пресели на тренерската функција во Ботев Пловдив.
Хаџиевски има богато искуство во меѓународниот фудбал и добро е запознаен со бугарското првенство. Првпат работеше во Бугарија во сезоната 1993/94, кога беше тренер на ЦСКА Софија, а во 2006 година повторно се врати како предводник на Вихрен Сандански.
Неговиот последен ангажман беше во Саудиска Арабија за време на сезоната 2023/24.
