Шкендија останува последниот македонски претставник во Европа оваа сезона. Вицепрвакот ги продолжува настапите во третото квалификациско коло од Конференциската лига против шкотскиот Хибернијан, а УЕФА веќе ги извлече и потенцијалните парови за плеј-офот.
Доколку го совлада Хибернијан, Шкендија во последната пречка пред групната фаза ќе се соочи со подобриот од двомечот меѓу шведски ИФК Гетеборг и белгиски Гент.
Првиот натпревар Шкендија би го играла на гостински терен, а одлуката за пласман ќе се носи на домашен терен во реваншот.
Натпреварите од плеј-оф фазата се закажани за 20 и 27 август.
Сепак, за реализација на овој сценарио, македонскиот претставник најпрво ќе мора успешно да го прескокне шкотскиот предизвик.
