Црно и жолто се прелева низ улиците на Лондон. Ако се суди според дуелот на навивачите во пресрет на финалето на „Вембли“, тогаш Борусија Дортмунд засега е во предност. Преку 150.000 фанови на германскиот тим пристигнаа во Лондон со намера да ја почувствуваат атмосферата и да бидат дел од финалната пресметка за најпосакуваниот европски пехар.
За сите нив, се разбира, ќе нема место на трибините, но ќе создадат френетична атмосфера во околните пабови.
Реал Мадрид е во трка за 15. европска круна, додека Борусија Дортмунд има само една и само трипати била дел од европско финале. За „кралевите“ е тоа веќе рутина, со оглед дека дури 18. пат се во последната битка за пехарот.
Зинедин Зидан ќе го изнесе пехарот на Лигата на шампионите на „Вембли“ и ќе го постави на планираното место, да го гледаат сите и да се обидат да го освојат низ „пеколниот“ дуел на теренот.
