Најтрофејниот македонски клуб Вардар денеска игра еден од најважните мечеви во поновата историја. Во Струмица, на стадионот „Благој Истатов“ од 17 часот се игра бараж натпреварот за опстанок во елитата, а противник на „црвено-црните“ е третопласираниот тим од Втората лига, Детонит Плачковица.
Вардарци вчера тренираа на теренот во Струмица, а капитенот Филип Гачевски одржа мотивациски говор за соиграчите.
„Остана уште еден чекор. Знаеме колку е важен овој натпревар за нашите кариери, за нашиот Вардар. Знаеме што сѐ издржавме оваа сезона, остана да го направиме уште ова и да го спасиме Вардар. Одиме силно од првата секунда“, порача Гачевски.
