Напаѓачот на Арсенал, Габриел Жезус, ќе го напушти лондонскиот клуб веќе во јануарскиот преоден рок, тврдат италијанските и бразилските медиуми.
По повредата на коленото, Жезус се врати во тимот, но менаџерот Микел Артета не му дава доволно шанса за игра.
Бразилецот очајно сака поголема минутажа и сака да се наметне за Светското првенство следната година, за што му е потребно редовно играње и максимална форма.
Неговите агенти веќе преговараат со Милан за можност за позајмица со опција за откуп, бидејќи летното засилување на „росонерите“, Кристофер Нкунку, кој чини 37 милиони евра, досега не покажал ништо.
Габриел Жезус би се вклопил совршено во системот на Масимилијано Алегри, па сега се чека договорот да се финализира.
