Огромна трагедија ја потресе Македонија. Многу младу луѓе го загубија животот во трагичниот настан во Кочани, огромниот пожар кој го зафати ноќниот клуб „Пулс“ за време на концертот на „ДНК“.
Фудбалскиот клуб Шкупи објави дека животот во оваа трагедија го загуби фудбалерот Андреј Лазаров. Тој херојски помагал другите да се спасат во обид да се избегне најлошото во огромниот пожар, а го загубил животот задушувајќи се од чадот.
Од Андреј Лазаров се збогува цела фудбалска Македонија, искрено жалејќи за огромната загуба. Тој засекогаш ќе остане дел од македонските фудбалски срца.
