Македонската женска репрезентација до 17 години славеше победа против Луксембург (2-0), втора на квалификацискиот турнир за ЕП – Б лига, кој се игра во Струмица. Лана Спасовска во 17. минута од натпреварот погоди за водство на Македонија од 1-0, а девет минути подоцна Лаила Бала ја удвои предноста, поставувајќи го и конечниот резултат.
Нашата селекција, на отворањето на турнирот запиша победа против Грузија, а младите фудбалерки третиот меч од квалификациите ќе го одиграат против Северна Ирска на 6. март од 13:00 часот во Струмица.
По две одиграни кола, Македонија и Северна Ирска имаат по шест освоени бодови, додека Грузија и Луксембург се без поени.
