Играчот од средниот ред на Интер, Давиде Фратези (26), размислува за преселба во Јувентус поради ограниченото време на играње во тимот на „нероаѕурите“. Претходно турскиот Фенербахче покажа интерес за позајмица со задолжителен откуп од околу 40 милиони евра, но Фратези го одбил трансферот и го посочил Јувентус како најдобра опција.
Италијанецот сака да работи со тренерот Лучијано Спалети, кој му веруваше и даваше стартно место во репрезентацијата, додека во Интер многу почесто е резерва.
Сепак, преговорите се компликувани поради високата отштета и можната реакција на навивачите на Јувентус.
Рома и Наполи исто така покажуваат интерес за Фратези, но Интер не сака да го испрати фудбалерот директно кај конкурентите.
