Баер Леверкузен се сопна токму кога најмалку смееше – на гостувањето кај Фрајбург одигра само нерешено, 2-2, резултат што директно го круниса Баерн Минхен како нов шампион на Бундес-лигата. Ова е вкупно 34. титула за баварскиот гигант, кој повторно се враќа на тронот по кратката пауза.
Фрајбург одигра храбар меч и со головите на Егештајн и автоголот на Хинкапи поведе со 2-0, Флоријан Вирц и Џонаан Тах во финишот спасија бод за Баер Леверкузен.
Сепак, тоа не беше доволно за да се одржат и понатаму шансите за титула.
За Хари Кејн ова е посебен момент – по години чекање и срцепарателни финалиња без среќен крај, конечно го освои својот прв трофеј во кариерата. Историја за Англичанецот, радост за Баерн Минхен.
Баерн сега има недостижни 76 бода, осум повеќе од Леверкузен на две кола до крајот. Во меѓувреме, Фрајбург со 52 бода ја мина Борусија Дортмунд и сега стои на четвртата позиција – последната што води во елитното европско натпреварување.
