Фонсека ја презема клупата на Лил

Поранешниот тренер на Рома, Пауло Фонсека, пристигна во Франција за да го преземе тимот на Лил. Според информациите, двете страни договориле соработка за две сезони.

Фонсека е без работа од минатото лето. Последен пат ја водеше Рома, а претходно три години беше тренер на Шахтјор Доњецк.

Португалецот на кормилото на Лил ќе го замени Жослен Гурвенек, кој замина на крајот од минатата сезона.

Лил минатата сезона во Лига 1 ја заврши на десеттата позиција.